Тентек өзені - Алакөл ойпатындағы ең ірі өзен. Тентек бүгінгі күні Алакөл ойпатындағы көлдермен қатар әлемдік аса маңызды сулы-батпақты алқап болып табылады және алқаптың 17423 га жерін алып жатыр, мұнда отарлық құстардың және су және су маңын мекендейтін құстардың ең негізгі және маңызды ұя салу және көбею аймағы орналасқан. Тентек өзені атырауындағы ну қамыстар мен тоғайларда қабан, түлкі, сібір елігі т.б саны аз қалған құстардың бірнеше түрлері кездеседі. Осы ерекше бір ландшафттық жүйенің қалыптасуы мен даму жолдары және оны сақтап қалу тікелей өзен ағындысының деңгейіне байланысты.
Атырау Тентек өзенімен құрылады, Сасықкөл көлінің оңтүстік жағалауына ну қамыс және қоғамен жабылған кішігірім көлдер, тармақтар, батпақтанған ойыстар құрап күрделі жүйе болып құяды.
