17 қыркүйек «Таза Қазақстан» экологиялық акциясының аясында «Таза Өлке - Таза Алакөл» экологиялық іс - шарасы өткізілді. Іс - шара барысында Үшарал қаласындағы, Қабанбай батыр көшесінің бойы, Ыдырышев көшесі мен Абылайхан көшесінің аралығы қоқыстардан тазартылды. Іс - шараға 23 қорық қызметкері қатысып, көшенің бойындағы арамшөптер мен, жапырақтар және қоқыстар тазартылып, жабайы балақарағаштар кесілді. Жиналған 0,2 тонна қоқыс арнайы алаңға шығарылды.
