«Таза Бейсенбі» экологиялық акциясы өтті
2026 жылғы 30 шілде күні Алакөл мемлекеттік табиғи қорығының қызметкерлері «Таза Бейсенбі» экологиялық акциясы аясында Үшарал қаласындағы Қабанбай батыр көшесі бойында, Ыдырышев және Абылайхан көшелері аралығында тазалық жұмыстарын жүргізді. Акция барысында жол жиегі жабайы шөптерден тазартылып, қатты тұрмыстық қалдықтар жиналып, аумақ толықтай сыпырылып, ретке келтірілді. Алакөл мемлекеттік табиғи қорығының ұжымы қоршаған ортаны қорғау мен тазалықты сақтауды басты міндеттердің бірі деп біледі. Қорық қызметкерлері экологиялық акцияларға тұрақты түрде белсене қатысып, туған өлкенің тазалығын сақтауға өз үлестерін қосып келеді.
