Алакөл қорығында «Табиғат айнасы» - «Окно в природу» экологиялық үйірмесі 2003 жылдан бері үздіксіз жүргізіліп келеді. Осыған орай Үшарал қаласындағы І.Жансүгіров атындағы орта мектебінің директоры Э.Кабдолдаевамен 2024 жылға келісім шартқа қол қойылды. Экологиялық үйірменің мақсаты – орман шаруашылығы және ерекше қорғалатын табиғи аумақтар саласындағы білімді іс жүзінде тереңдете отырып, табиғатты қорғауға тәрбиелеу, олардың жалпы ой - өрісін кеңейту, туған жердің табиғатын қорғауға баулу, тәжірибелі көмек көрсету.
