Қорықтың құрылуы мен қалыптасуының басы-қасында болған тұлғалар.
Алакөлдің табиғатын бізге және келешек ұрпақтар үшін қаз қалпында сақтап қалуға Алакөл қорығында еңбек сіңірген тұлғалардың есімдерін естен шығармасақ екен. Атап кеткенде, Ернар Әуезов, Серік Толғанбаев, Мәден Жұманқұлов, Юрий Левинский, Сұлтан Амаев, Евгений Анисимов, Николай Березовиков, Василий Урмашов, Мендіғали Баянбаев, Сәлім Толғамбаев, Галина Куликова, Күлшарбан Жанапина және Төкен Карибаев, Тұрсабек Тұрғанов, Бауыржан Қабықбаев, Әсет Идришев, Виктор Мазин сынды тағы да басқа бірқатар азаматтар қорық жұмысын жаңғыртып, сара жолды бастап кетті.
Киелі Алакөл өлкесін табиғаттың адамға тартқан тамаша сыйы деп бағалай білетін дарынды жас мамандар қатары толығып келеді. Туған өлкенің тамаша табиғатын қалпында сақтау, жануарлар әлемі мен өсімдіктер дүниесін қамқорлыққа алу ұрпақтан ұрпаққа жалғаса бермек.
