17 сәуір күні «Парктер шеруі 2025» экологиялық акциясының аясында және “Таза Қазақстан” экологиялық акциясы шеңберінде Абай облысының Үржар ауданы Жаңа Тілек ауылындағы М.Әуезов атындағы орта мектебінің оқушыларымен танымдық кездесу өтті. Іс-шараға Алакөл қорығының қызметкерлері, мектеп мұғалімдері мен оқушылары қатысты.
Іс-шараның барысында шағын концерттік бағдарлама қойылып, оқушыларға Алакөл қорығы жайында дайындалған слайд көрсетілді. Мектеп кітаханасының қорына "Алакөл қорығының еңбектері" кітабының үш томы және басқа да бірнеше кітаптар табыс етілді. Іс-шара соңында мектеп ауласындағы ағаш бастарына оқушылар өз қолдарымен жасаған 4 дана құс ұяларын орнатты және мектеп ауласы мен Жеңіс саябағына 70 түп түрлі көшеттер отырғызып, игі іске үлестерін қосты. Іс-шараға барлығы 165 адам қатысты.
