15-ші мамыр күні Абай облысы Үржар ауданының Алтыншоқы орта мектебінде Абай облысының Үржар және Мақаншы аудандарының білім мекемелерінің оқушылары арасында өткен «Парктер шеруі 2024» акциясы аясындағы экологиялық байқаудың жеңімпаздарын марапаттау іс-шарасы өтті. Байқаудың шартында көрсетілген 4 номинация бойынша сынға түскен мектеп оқушыларының өз қолдарымен жасаған қолөнерлері бағаланып, үздік жұмыс иелері мақтау қағаздарымен және бағалы сыйлықтармен марапатталды. Жас буынға бағыт-бағдар көрсетіп жүрген ұлағатты ұстаздар Алғыс хаттарға ие болды. Аталған іс-шара Алтыншоқы орта мектебінің жас өнерпаздарының концерттік бағдарламасымен жалғасын тапты. Іс-шараны өткізуге қолдау білдірген Үржар аудандық білім бөліміне және Алтыншоқы орта мектебінің ұжымына алғыс айтамыз.
