Дала және орман өрттерімен күресу көптеген ресурстар мен қаражатты қажет етеді. Өрттердің пайда болуын және таралуын азайту үшін минералдық жолақтар үлкен рөл атқарады. Минералдық жолақ – бұл жанғыш материалдардан топырақтың минералдық қабатына дейін тазартылған немесе топырақ өңдеу құралдарымен (жер жырту) немесе басқа тәсілмен өңделген аумақтың сызықтық учаскілері, олардың негізгі мақсаты төменгі өрттердің таралуын болдырмау және өртке қарсы от қою кезінде тірек ретінде қызмет етеді.
Қорық аумағында дала (орман) өртін болдырмау – мекеменің басты міндеттерінің бірі. Осы орайда қазіргі уақытта Тентек өзенінің атырауы учаскесінде минералдық жолаққа күтім жұмыстары жүргізіліп, аталған жұмыстар басқа да учаскелерде жүргізілуде.
