Мекеме директоры Қ.Абылқасымов «Республика күні» қарсанында «Орман шаруашылығы қызметкерлері күні» кәсіби мерекесіне орай бірнеше қорық қызметкерлерін марапаттады. Экологиялық ағарту бөлімінің басшысы Ермек Наурызбаев «Биоәртүрлілікті сақтау ісіне қосқан үлесі үшін» ІІ дәрежелі медальмен, Ғылым, ақпарат және мониторинг бөлімінің басшысы Айжан Тулебаева «Биоәртүрлілікті сақтау ісіне қосқан үлесі үшін» ІІ дәрежелі медальмен және ғылыми қызметкер Асхат Рафиков Орман шаруашылығы және жануарлар дүниесі комитетінің «Құрмет грамотасымен» марапатталды.
Қазақстан Республикасы Экология және табиғи ресурстар министрлігінің №39 куәлігімен Жетісу облыстық орман шаруашылығы және жануарлар дүниесі аумақтық инспекциясының бөлім басшысы Н.Ноғайбеков Алакөл мемлекеттік табиғи қорығының бұрынғы директоры Жұманқұлов Мәден Сәметұлын «Еңбек ардагері» медалімен марапаттады.
