1 сәуір күні «Парктер шеруі 2025» экологиялық акциясының аясында Жайпақ ауылындағы М.Төлебаев атындағы орта мектебінде «Халықаралық құстар күніне» орай экологиялық іс-шара өтіп, мектеп директоры Б.Қанағатов, ұстаздар мен оқушылар, Алакөл қорығының экологиялық ағарту бөлімінің басшысы Е.Наурызбаев және бөлім мамандары қатысты. Іс-шара барысында бөлім мамандары «Алакөл қорығының құстары» жайында слайд көрсетіп, білім ордасының ауласындағы ағаш бастарына 5 дана құс ұяларын орнатты. Қорық қызметкерлері мен мектеп оқушылары 10 дана айлант бұтасының көшеттерін отырғызып, табиғаттың гүлденуіне өз үлестерін қосты.
