«Кіші Аралтөбе» экскурсиялық туристік маршруты
Кіші Аралтөбе аралының аумағы ҚР Экология және табиғи ресурстар министрлігі Орман шаруашылығы және жануарлар дүниесі комитетінің 17.06.2025 жылғы № 27-03/153-НҚ бұйрығына сәйкес «Кіші Аралтөбе» экскурсиялық туристік маршруты болып саналады.
ҚР Экология және табиғи ресурстар министрінің 2024 жылғы 2 қазандағы № 232 бұйрығына сәйкес бекітілген тариф негізінде Кіші Аралтөбе аралында болу ақылы болып табылады.
«КІШІ АРАЛТӨБЕ» АРАЛЫНДА БОЛҒАН КЕЗДЕ КЕЛЕСІ ТАЛАПТАРДЫ САҚТАУ ҚАЖЕТ:
Аралдағы тәртіптің ережелері:
• мемлекеттік табиғи қорық аумағында жүру ережесін сақтау міндетті;
• қорық қызметкерінің талаптарын міндетті түрде орындау керек;
• өрт қауіпсіздігі ережесін ұстану міндетті;
• қоқысты (пластик, тамақ қалдықтары, темекі тұқылы, т.б.) өзіңізбен бірге алып кету міндетті;
• аралда болу уақытын сақтау – 09.00 с. – 18.00 с.
Арал аумағында келесі іс-әрекеттерге қатаң тиым салынады:
• Үлкен Аралтөбе және Кіші Аралтөбе аралдарына қатынауға;
• қалың тұман кезінде немесе күшті жел соққан уақытта суда жүзуге (су көлігімен немесе жеке өзіңізге);
• маршрут аумағынан ауытқуға;
• маршрут аумағында қоқыс тастауға;
• Кіші Аралтөбе аралынан қандай да бір табиғи заттарды (дериват, тас, өсімдік және т.б.) алуға;
• аралға өзіңізбен бірге үй жануарларын алып жүруге;
• аралда от (алау) жағуға;
• Кіші Аралтөбе аралындағы тастарға, жартастарға, ақпараттық тақтайшаларға жазулар немесе белгілер қалдыруға/жазуға;
• аралдағы жартастарға өрмелеп шығуға.
Қауіпсіздік шаралары:
• су көліктерін (қайық, катер, т.б.) кіші аралтөбе аралындағы белгіленген орындарда тұрақтау керек;
• су көлігіндегі (қайықтағы, катердегі, т.б.) туристтерге қауіпсіздік ережелерін сақтау міндетті;
• жеке бас қауіпсіздігін сақтау міндетті, себебі аралда жылан, қарақұрт және өзге де улы жануарлар мекен етеді.
