2025 жылы 27 - 28 мамыр аралығында Алакөл мемлекеттік табиғи қорығы ғылыми қызметкерлері инспекторлармен бірлесіп жоспарға сәйкес Жалаңашкөл шығыс жағалауы, Кіші Алакөл шығанағы, Еміл өзені атырауы және Алакөл көліндегі Аралтөбе аралдары телімдерінде орнитология, териология, гидробиология бағытында ғылыми - зерттеу жұмыстарын және санақ жұмыстарын жүргізді. Жүргізілген жұмыстар нәтижесінде Аралтөбе аралдарында отарлық құстардың 11 түрі ұя салғаны тіркелді, оның ішінде 3 түрі Қызыл Кітапқа енгізілген (көне дәуір шағаласы - 5 жұп, қарабас өгізшағаласы - 3500 жұп, бұйрабас өгізшағаласы - 23 жұп).
