Қыркүйек айының 17-20 жұлдыздары аралығында ғылыми қызметкерлер инспекторлармен бірлесе отырып, Тентек өзені атырауы теліміне далалық шығыс ұйымдастырылды. Далалық шығыс кезінде құстардың тамақтанану және ұшып-өту кезінде санақ жұмыстары және борсықтың іздері мен індері арқылы санақ жұмыстары жүргізілді. Сонымен қатар Жылыкөл және Байбала сияқты атыраулық көлшіктерден гидробиологиялық сынамалар алынды. Нәтижесінде құстардың Қызыл кітапқа енгізілген 11 түрі санаққа алынды және атыраулық суайдындарында құстардың күзгі ұшып-өтуінің бірінші толқыны тіркелді.
