Тамыз айының 26-28 жұлдыздары аралығында ғылым бөлімінің қызметкерлері қорғау бөлімінің қызметкерлерімен қорық аумағының Жалаңашкөл көл маңы, Кіші Алакөл шығанағы, Аралтөбе аралдары және Еміл өзені маршрутымен бірлесіп далалық шығыс ұйымдастырды. Далалық шығыс нәтижесінде қорық аумағында тұрақты ұя салатын сирек кездесетін және индикаторлы құстар түрлерінің санын анықтау жұмыстары, түнгі уақытта белсенді сүтқоректілер түріне түнгі санақ жұмыстары және тек Жалаңашкөл көлі маңында салынған мониторинг алаңы бойынша өсімдік түрлерін бақылау жұмыстары жүргізілді, сонымен қатар Тораңғы cияқты сирек кездесетін ағаштың таралуын карта бетіне түсіру мақсатында өсу орындары белгіленді.
