Ағымдағы жылғы 11 қазан күні Алакөл мемлекеттік табиғи қорығының "Сасықкөлдің солтүстік жағалауы" учаскесінде, Абай облысы, Үржар ауданының Қарақол ауылдық округіне қарасты Сағат ауылында бірлескен рейдтік іс-шара өтті. Іс-шараға Экологиялық ағарту бөлімінің басшысы Е.Наурызбаев пен қорық қызметкерлері, Үржар аудандық Төтенше жағдайлар бөлімінің басшысы Б.Саянов, Қарақол ауылдық округінің әкімі М.Мусабаев пен округтің учаскелік полиция қызметкері қатысты. Іс-шара барысында аймақта орман/дала өрттерін алдын алу бойынша рейдтік профилактикалық жұмыс жүргізілді.
Сонымен қоса, Сағат ауылында орын алған өртті өшіруге сүбелі үлес қосқан Алакөл қорығының мемлекеттік инспекторлары Тиссен Александр мен Темергалиев Руфатты Үржар ауданының әкімі А.Башимбаевтың атынан Қарақол ауылдық округінің әкімі марапаттады.
