26 сәуір күні «Парктер шеруі 2024» акциясының аясында
«Бүкілқазақстандық ағаш отырғызу күні» іс - шарасы өткізілді. Игі ағаш отырғызу акциясы Алакөл қорығының ұйымдастыруымен І.Жансүгіров атындағы орта мектебінің ауласында өтті. Іс - шараға Алакөл қорығының ұжымы, мектеп мұғалімдері мен оқушылары, «Табиғат айнасы» экологиялық үйірмесінің мүшелері қатысты. Аталған іс - шара барысында мектеп ауласына 10 түп апорт алма ағашының көшеті, 10 түп шаған ағашы, 10 түп сары қараған көшеттері отырғызылды.
