Бес жылдық зерттеу кезеңінде Алакөл қорығы аумағында бұрын қорық аумағында кездеспеген сүтқоректілердің екі жаңа түрі - ор қоян мен шүйебөрі анықталды. Ор қоянның мекендеу орны Абай облысының Үржар ауданы аумағында орналасқан қорық учаскесінде ғана (Сасықкөл көлінің солтүстік жағалауы және Мыңкөл көлдер жүйесі) байқалды.
Қоянның бұл түрі алғаш рет 2020 жылы тіркеліп, жүргізілген зерттеулер мен мониторинг нәтижелері бойынша 2021 жылы қорықтың сүтқоректілерінің тізіміне енді. Бұл түрдің пайда болуы қорық аумағының кеңеюімен байланысты, оның барысында бұл аумақ 2010 жылы қорықтың құрамына қосылды. Сағат ауылында тұратын жергілікті тұрғындар бұл түр жыл сайын болмаса да, бұрын осы аумақта кездескенін алға тартады. Кейінгі жылдарда жүргізілген мониторинг нәтижелері бойынша ор қоянның қорық аумағында жыл бойы емес, Тарбағатай тау жүйесінің етегінде қар жауып, төмен түскеннен кейін тек күз - қыс айларында ғана мекендейтіні анықталды.
Қорық аумағындағы шүйебөрі алғаш рет 2022 жылы 10 қарашада Тұйықсу кордонына жақын Тентек өзенінің атырауының оң жақ жағалауында тіркелген. Кейіннен бұл түрдің қорық аумағында болуын қорықтың мемлекеттік инспекторлары үнемі байқала бастады. Инспектор В.Осиковтың айтуынша, Тентек өзенінің атырауының сол жағалауындағы Байбала кордонының маңында 2023 жылдың 10 желтоқсанында кемінде сегіз шүйебөрі мекендеген. Сол жылдың ақпан айында осы түрдің үш дарасы Тұйықсу кордонының маңындағы қамыстарда байқалды. 2024 жылдың қаңтарында осы түрдің бір дарасын Сасықкөл көлінің солтүстік жағалауы учаскесіндегі Жіңішкесу аумағын айналып өту барысында қорғау инспекторы А.Тиссен байқады.
Шүйебөрінің қорық аумағында пайда болуы, біздің ойымызша, оның әдеттегі таралу аймағының солтүстігінде қоныстануы нәтижесінде болды, бұған оның табиғи жауы - қасқырдың соңғы жылдары санының айтарлықтай азаюы ықпал етті.
