Бұл күн - жер бетіндегі әрбір адамға табиғат алдындағы жауапкершілігін еске салатын ерекше күн. Жабайы табиғатты қорғау - тек экологтар мен қорық қызметкерлерінің міндеті емес, ол - барлығымыздың ортақ парызымыз. Қазіргі таңда көптеген жануарлар мен өсімдіктер сиреп, жойылу қаупінде тұр, ал оларды сақтап қалу - біздің бүгінгі әрекетімізге байланысты.
Табиғатты аялау - өмірге жасалған ең ізгі қадам. Көптің бірі болып жасалған әр әрекет маңызды: қоршаған орта туралы білім алу, табиғи байлықты құрметтеу, мамандардың еңбегін бағалау, заңсыз аулауға қарсы тұру және экожүйені қорғауға атсалысу.
Жабайы табиғат - адамзаттың түп - тамыры, тіршіліктің күретамыры және болашақ ұрпаққа қалдырар баға жетпес қазына.
Оны қорғау - өзімізді қорғау. Бірге қамқор болайық!
