2 ақпан «Дүниежүзілік сулы-батпақты алқаптарды сақтау күні» «Дүниежүзілік сулы - батпақты алқаптарды сақтау» күніне орай Алакөл аудандық білім бөлімімен келісімделген жұмыс жоспарына сәйкес апталық іс-шара жарияланып, 12 білім ордасының оқушыларымен танымды кездесу жоспарланған. Осыған орай, экологиялық ағарту бөлімінің мамандары 2-3 ақпан күндері Үшарал қаласындағы М.Мыңбайұлы атындағы, С.Иманасов атындағы, Ы.Алтынсарин атындағы қазақ гимназиясының оқушыларымен және Алакөл көпсалалы коледжінің студенттерімен танымдық кездесулер өткізілді. Іс-шара аясында қорық қызметкерлері сулы-батпақты алқаптардың маңыздылығы мен пайдасы туралы, онда мекендейтін құстар мен жан-жануарлар, өсімдіктер жайлы слайд көрсетіп, оқушылармен сұрақ-жауап алмасты.
