1-9 ақпан күндері «Дүниежүзілік сулы - батпақты алқаптарды сақтау» күніне орай Алакөл аудандық білім бөлімімен келісе отырып, құрылған жұмыс жоспарына сәйкес 10 күндік іс-шара жарияланды. Осыған орай, экологиялық ағарту бөлімінің мамандары «Алакөл көпсалалы колледжі» студенттерімен және ауданымыздың 11 мектебінде, атап айтқанда С.Иманасов ат. (ОМ), І.Жансүгіров ат. ОМ, Абай ат. ОМ, Ы.Алтынсарин атындағы қазақ гимназиясы, А.Байтұрсынов ат. ОМ, Қабанбай батыр ат. ОМ, М.Әуезов ат. ОМ, Бұлақты ОМ, Д.Қонаев ат. ОМ, Қайнар және М.Төлебаев атындағы орта мектептерінің оқушыларымен танымдық кездесулер өткізді. Танымдық кездесулер аясында экологиялық ағарту бөлімінің мамандары сулы-батпақты алқаптардың маңыздылығы мен пайдасы туралы, онда мекендейтін құстар мен жан-жануарлар, өсімдіктер жайлы слайд көрсетіп, оқушылармен сұрақ-жауап алмасты.
