Қорықтың мемлекеттік инспекторларының биоалуантүрлілікті сақтаудағы рөлі өте маңызды. ҚР «Ерекше қорғалатын табиғи аумақтар туралы» заңына қатысты барлық заң бұзушылықтың алдын алу мемлекеттік инспекторлардың тікелей міндеті болып табылады. Мемлекеттік инспекторлар ерекше қорғалатын табиғи аумақта, оның күзет аймағында Қазақстан Республикасының заңнамаларын бұзған адамдарды ұстауға және оларды құқық қорғау органдарына жеткізуге, көлік және суда жүзу құралдарын тоқтатуға, оларға тексеру жүргізуге, ҚР заңнамаларын бұзған жеке және заңды тұлғалардан атыс қаруын, заңсыз олжалаған өнiмдi және оны олжалау құралдарын, көлік және суда жүзу құралдарын алып қоюға, бұзушылық анықталған жағдайларда мемлекеттік инспекторлардың актілер жасауға және материалдарды шаралар қолдану үшін тиiстi мемлекеттік органдарға жіберуге құқығы бар.
Алакөл қорығының мемлекеттік инспекторлары қасақылықты болдырмау бойынша күшейтілген жұмыстарды жүргізеді, күндіз-түнгі патрульдік рейдтік іс-шараларды жүзеге асырады.
Сондай-ақ, өрт қауіпсіздігі ережелері және ерекше қорғалатын табиғи аумақ режимін бұзудың алдын алу бойынша қорық аумағымен шекаралас елді-мекендерде, шаруа қожалықтарында, балықшы бригадаларда жыл бойына әр түрлі формада, яғни үнпарақтар мен ескерту парақтарын тарату, ауызша түсіндіру жұмыстарын жүргізеді.
