Фототұзаққа түскен әрбір жабайы жануар кадрының артында үлкен еңбек жатыр. Қызметкерлер алдымен жануарлардың мекен ету ортасын зерттеп, қозғалыс бағыттарын анықтайды. Арнайы таңдалған орындарға фототұзақтар орнатылып, белгілі бір уақыт аралығында тексеріліп отырады. Жиналған материалдар сараланып, жабайы жануарлардың таралуы, белсенділігі және мекен ету ортасының жағдайы туралы маңызды деректер алынады. Бір ғана кадр – бірнеше күнге, кейде апталарға созылатын далалық жұмыстың нәтижесі. Осындай мониторинг жұмыстары табиғаттағы өзгерістерді бақылауға, жануарлар дүниесін зерттеуге және оларды қорғауға мүмкіндік береді.
